6/10/2010
လှောင်အိမ်
အချုပ်အနှောင်တွေနဲ့ နေရတဲ့အခါ
တချိန်က လွတ်လပ်မှု အပြည့်အ၀ပေးခဲ့တဲ့
မင်းကို......
သတိရမိပါတယ်....။
"ချစ်တယ်" ဆိုတဲ့ အကြောင်းပြချက်နဲ့
မင်းကို
ဘယ်လောက်တောင် ချုပ်ခြယ်မိခဲ့သလဲ ..
ငါတွေးကြည့်မိပါတယ်...။
တကယ်တော့
မင်းကို ငါတကယ် မချစ်ခဲ့ပါဘူး။
ဘာလို့လဲဆိုတော့...
မင်းရဲ့ လွတ်လပ်မှုကို ငါမမြတ်နိုးမိခဲ့လို့လေ...။
6/01/2010
ဆုရတီ..။
ဆုရတီ....။
ဒီနေ့ ကျောင်းသွားပြီ။
အဖြူ အစိမ်းလေး စ၀တ်ပြီ...။
ကလေးလေး တစ်ယောက် ရဲ့ တကယ့်နေ့ရက်တွေ စတော့မယ်..။
ဘာလို့ " ငိုချင်ချင်ကြီး" လို့ ပြောတာလဲ...။
ညီမလေး ကျောင်းသွားတာကို ပျော်လို့ မမ က ငိုချင်တာ..။
လွန်ခဲ့တဲ့ ငါးနှစ်ကျော်က အနှီးထုပ်လေးထဲက ကလေးလေးက ကျောင်းသူကြီး ဖြစ်သွားပြီ..။
အမှတ်တရ ဓာတ်ပုံလေးတောင် မရိုက်ပေးရဘူး။
ခုထဲက ကြိုးစားပါ ညီမလေးရေ...။
စာသင်ကျောင်း ကို တက်ရတာ ငိုချင်စရာ မကောင်းပါဘူး။
ဘ၀ကျောင်းကြီးကို တက်ရတဲ့ အခါ ပိုပြီး ငိုစရာတွေ တွေ့ဦးမှာ...။
ဘယ်တော့မှ အရှုံးမပေးနဲ့နော်..။
အင်တာနက်သုံးတတ်တဲ့ တနေ့ကျရင်
မမရဲ့ ဒီပိုစ့်လေးကို လာဖတ်ပေါ့နော်..။
5/27/2010
သူခိုးတစ်ယောက်နှင့် ပိုးစားသစ်သီး
ဒါဟာ ကျွန်တော့်ရဲ့ ဒိုင်ယာရီနိဒါန်းပါ။
မရေးဖူးလို့ ချီတုံချတုံ ဖြစ်ရပါတယ်။ ဖျက်ရာ ခြစ်ရာ ပါနိုင်သလို အမှားပါရင်လဲ ခွင့်လွှတ်ဖို့ ကြိုတောင်းပန်ပါတယ်။ စာကြွင်း - လက်ရေးသည်းခံဖတ်ပါ။
(၂)
မြို့တမြို့ရဲ့ ညနေခင်းမှာ ကျွန်တော် မြို့လယ်လမ်းမဘက် အပျင်းပြေ လမ်းလျှောက်ထွက်ခဲ့တယ်။ စီးကရက်ခဲပြီး ကျွန်တော်သွားထိုင်မယ့် နေရာက လဖက်ရည်ဆိုင်တဆိုင် မဟုတ်ခဲ့ပါဘူး။ အင်တာနက်ဆိုင် တဆိုင်ပါ။
"ကျွန်တော် အင်တာနက် သုံးချင်ပါတယ်"
အ၀င်ဝမှာရှိတဲ့ ကောင်တာခုံမှာ ထိုင်နေတဲ့ တစ်ယောက်ကို ကျွန်တော်ပြောလိုက်တယ်။ သူမညွှန်ပြတာ ကွန်ပျူတာ ခုံနေရာတစ်ခု မဟုတ်ပါဘူး။ "Thank you for No-Smoking" ဆိုတဲ့ စာတမ်းကပ်ထားတဲ့ နံရံကိုပါ။ လက်ညှိုးထိုးပြသည့်တိုင် သူမတချက်မှ ကျွန်တော့်ဘက်ကို မကြည့်ပါဘူး။ သူရဲ့ Computer Screen ဆီမှာ အာရုံရောက်နေပါတယ်။ လက်ထဲက စီးကရက်ကို ပစ်ချပြီး နင်းချေလိုက်တယ်။ သူမထံမှ အသံတစုံတရာ ထွက်လာပါတယ်။
" နံပါတ် 7 မှာ ထိုင်ပါ"
ကျွန်တော်ဟာ လေးထောင့်ဘောင်ခတ်ထားတဲ့ မျက်နှာပြင်တခုကနေ ကမ္ဘာကြီးနဲ့ အဆက်အသွယ် ရသွားသလို
ဘောင်ခတ်ပြီးလောကကို ကြည့်တတ်တဲ့ မျက်ဝန်းတစုံနဲ့ စတင် ရင်းနှီးခဲ့ပါတယ်။ အဲ.. ကျွန်တော့်ဘက်က ပေါ့လေ။
(၃)
ရက်သတ္တတပတ်ရဲ့ နေ့အများစုမှာ ကျွန်တော်သူ့ဆီ ရောက်ဖြစ်ပါတယ်။ သူမရဲ့လတ်တလော စိတ်အခြေအနေအတိုင်း တခါတလေ ပြုံးပြတတ်သလို တခါတရံ ခပ်တည်တည်ပါပဲ။
တနေ့တော့ အသုံးပြုခရှင်းဖို့ ကောင်တာဘေးသွားရင်း သူဖုန်းပြောနေလို့ ကျွန်တော်ရပ်စောင့်နေလိုက်တယ်။ ပြီးတော့ သူဖွင့်ထားတဲ့ G talk ရဲ့ အပေါ်ဆုံး သူ့ ID ပေါ်ကို Mouse နဲ့ မသိမသာတို့ပြီး ရွှေ့လိုက်တယ်။
မင်းစိမ်းလန်းဖို့ ထစ်ချုံးလိုက်ချင်ပေမယ့်
ခုတော့ မိုးပြေးသာသာလေးပေါ့...။"
(၅)
ကျွန်တော်တို့ စတင် မိတ်ဖွဲ့ကြပါပြီ။ ထုံးစံအတိုင်း သမားရိုးကျ အင်တာဗျူးလေးပေါ့။
ကျွန်တော် - " နေကောင်းလား"
သူမ - " ကောင်းနေပါတယ်"ကျွန်တော် - " နေကောင်းပါတယ် လို့တော့လုပ်ပါ"
သူမ - " မဟုတ်ဘူး ၊ ခုထိတော့ ကောင်းနေသေးတယ်လေ"
တော်တော် ကပ်သီးကပ်သတ် ပြောတတ်တဲ့ မိန်းမ!!!
(၆)
တနေ့တော့ သူ့ဆီက စာတစ်စောင် ရောက်လာတယ်။ မနက်စာကို ငှက်ပျောသီးပဲစားပြီး ကိုယ်အလေးချိန် လျော့ချစေနိုင်တဲ့နည်းအကြောင်း ရေးထားတဲ့ Forward Mail တစ်ခုပါ။ ကျွန်တော် သူ့ကို လှည့်ကြည့်လိုက်တယ်။ သူလဲ သေချာဖတ်နေပုံပဲ။ မျက်နှာကတော့ တကယ်လက်တွေ့ စမ်းတော့မယ့်ပုံပဲ။ ကျွန်တော် သူ့ကို နာမည်ပြောင်တစ်ခု ပေးလိုက်တယ် "တာဇံ"။ အောက်ဘက်မှာ link လေး တစ်ခုပါတယ်။ လတ်စသတ်တော့ သူက စာတွေလည်းရေးတာကိုး။ ဘာတဲ့... ဟစ်တလာဟာ ပန်းချီဆရာတစ်ယောက် ။ ဟက်ခနဲ ရယ်လိုက်တယ် ။
(၇)
ဒီလိုနဲ့ ကျွန်တော့်နွေရာသီလေး ကျော်လွန်လာခဲ့တယ်။ သူ့အကြောင်းကို သူ့စာ၊ သူ့စကားနဲ့ သိတာများခဲ့တယ်။ ဒီ နလပိန်းတုံးမလေးဟာ ကျွန်တော်ခိုးကြည့်နေတာကို မသိခဲ့ပါဘူး။ တချို့ အချိန်မှာ မော်နီတာကြီးကို ကြည့်ပြီး ရီလား ရီရဲ့ ငိုလားငိုရဲ့။ ပတ်ဝန်းကျင်တစ်ခုကနေ သူ့အတိတ်ကို ကျွန်တော်ကြားခဲ့တယ်။ နားထဲမှာ ဒဏ်ရာအပြည့် တင်ထားတဲ့ ရထားတစင်း ဥသြဆွဲသွားသလိုပဲ။ ဒီလို သူခုတ်မောင်းနေခဲ့တယ်။
ပြေးကြိုချင်ခဲ့ပေါ့...
ဒီဘူတာမှာ မနားမှာစိုးတယ်...။"
(၈)
Server ကနေ Message တစ်ခု ရောက်လာတယ်။ Burglish လို့ခေါ်တဲ့ ဘာသာစကားကြီးနဲ့ ။ ကျွန်တော်သေချာထောက်ပြီး ဖတ်လိုက်တယ်။
သူမ ကျွန်တော့်ကို တွေ့ရှိသွားပြီ ဖြစ်ပါတယ်။ ဟုတ်ပါတယ်။ ကျွန်တော်က အကြည့်သူခိုးပါ။ လူလုံးထွက်ပြရတာ နဲနဲရှက်ပေမယ့် သူမနဲ့ ကျွန်တော် တွေ့ပါဦးမယ်။
(၉)
ဒီနေ့က သူမရဲ့ နည်းပညာကင်းစင်ရေး နေ့ပါ။ သူမအလုပ်နားပြီး အားအားယားယားရှိတဲ့ ကျွန်တော့်အတွက် ကတော့ နေ့ထူးနေ့မြတ် ပါပဲ။ သူသူငါငါအတွက် နေသာတဲ့ ချစ်စဖွယ် ဆန်းဒေးပေါ့ဗျာ။ Super Sunday လို့ သူမခေါ်ဝေါ်တဲ့ ဒီလိုနေ့မှာ ကျွန်တော်တို့ ဓါတ်ပုံတော့ မရိုက်ကြပါဘူး။ ဒါပေမယ့် သစ်ပင်တွေ တော်တော်များများရှိတဲ့ ရပ်ကွက်တခုရဲ့ လမ်းဆုံက ကုလားပူတီဆိုင် မှာပါ။
သူမ ဒီနေ့ အားကစားရုံမသွားရပါပဲနဲ့ တီရှပ် အကြီးကြီး ၀တ်လာပါတယ်။ heart - ease က သူမ ၀တ်နေကျ Jean ဘောင်းဘီနဲ့ ဘာတွေ ထည့်ထားမှန်းမသိတဲ့ လွယ်အိတ်က ပြည့်လို့။ သူ့ ဆံပင်ရှည်တွေက နဲနဲပွယောင်းယောင်း နိုင်တယ
" အတိတ်အကြောင်းလဲ မတွေးချင်သလို အနာဂတ်အကြောင်းလဲ မစဉ်းစားချင်ပါဘူး"
သိနှင့်ပြီးပြီပဲကွယ်။ မင်းရဲ့ အတိတ်ကို မတူးဆွသလို အနာဂတ်ကိုလဲ ဘောင်မခတ်ပါဘူး။ ကျုံးမသွင်းဘူး ၊ စည်းမတားဘူး။
" ရှင်က ဒါဆို ပစ္စုပ္ပန်တည့်တည့်ရှု တဲ့လူပေါ့"
"လူတစ်ယောက်ရဲ့ အနာဂတ်ဟာ သူ့ပစ္စုပ္ပန်အလုပ်ပေါ်မှာ မူတည်တယ်လေ။ ကျွန်တော် ခု အဲ့ဒီ ပစ္စုပ္ပန်ကိုပဲ သေချာရှုနေတယ်လေ ၊ သိဘူးလား "
ရွှတ်နောက်နောက် ကျွန်တော့်စကားအတွက် သူ့မျက်စောင်းတချက် ခံလိုက်ရသည်။ ရွက်ကြမ်းကလဲ ရေကြိုလိုက်တော့ တခါဆိုတခါ သောက်လို့ အဆင်ပြေပါတယ်။ တွေးပြီး ရေနွေးတောင် သီးသွားတယ်။
" ကျွန်မ သူငယ်ချင်းတစ်ယောက်က ပြောဖူးတယ်။ အကောင်းဆုံးပန်းသီးတွေဟာ ထိပ်ဆုံးဘက်မှာပဲရှိတယ် တဲ့။ထိုက်တန်တဲ့ သူအတွက်တဲ့ ။ ကျွန်မက အောက်ဘက်မှာရှိတဲ့ သစ်သီးပါ။ ပိုးပါလို့ ကျန်နေခဲ့တာပေါ့ "
ကျွန်တော် ဆွံ့အနေခဲ့တယ်။ ဒီအတိုင်းပဲ တောင်စဉ်ရေမရ တွေဝေနေခဲ့တယ်။
(၁၀)
နေဒဏ် လေဒဏ် ခံရတဲ့မင်း
မှည့်ဝင်းတဲ့ အခါ ၊ အချိုမြိန်ဆုံး ဖြစ်မှာပါကွဲ့ ။
ချစ်မေတ္တာကျမ်းကို ကိုင်ပြီး ငါသက်သေထူပါတယ်..
ပိုးပေါက်လေးကြောင့်လေ..။"
ကျွန်တော် Send Button နှိပ်လိုက်တယ်။ သူမဆီ ရောက်မယ်ထင်ပါရဲ့ ။ အသည်းတံခါးလေး ပိတ်မထားရင်ပေါ့လေ....။
5/21/2010
မောင့်မျက်တောင်ဖျားက ကျွန်မအိမ်မက်တွေ
“မေ.. ခင်ဗျား မိန်းမ၀ါဒီ စာအုပ်တွေ ဖတ်တာ သိပ်များနေပြီထင်တယ်။ ခင်ဗျားတို့တွေ အဲ့လိုပဲ.. ကျွန်တော်ထင်တယ် မြန်မာနိုင်ငံရဲ့  ၈၀% သော မိန်းမတွေက မိန်းမ၀ါဒီ စစ်စစ်တွေ ဖြစ်မယ်ဗျ”
ကျွန်မ အငိုက်မိခံရသူ တယောက်လို ဖျတ်ခနဲ ကော်ဖီခွက်ဆီ အကြည့်ရွှေ့လိုက်သည်။ မလုံမလဲ အငွေ့အသက်များ အတိအကျမပါဝင်နိုင်ပေ။
“အင်း.. မှားတယ်။ မြန်မာပြည်က မိန်းမအများစုဟာ များသောအားဖြင့် မိခင်စိတ်နဲ့ ရိုးစင်းကြပါတယ်။ “သားကိုသခင်၊ လင်ကိုဘုရား “ လို တန်ဖိုးထားတတ်သူတွေပဲ။ သူတို့ကို မိန်းမစစ်စစ်များဆိုပြီး ၇၀% ထဲထည့်လိုက်ပါ။ ၁၀% လောက်က တကိုယ်တည်း အပူအပင်မရှာဘဲ ခရီးဆက်နေတဲ့ အပျိုကြီးတွေ ထားပါတော့။ ကျန်တဲ့ ၂၀% လောက်သာ ရှင်ပြောတဲ့ မိန်းမတံခွန်ထူချင်နေတဲ့ မိန်းမ၀ါဒီတွေ ဖြစ်ပါလိမ့်မယ်။ နေရာတကာအမျိုးသမီး အရေအတွက် ကန့်သတ်ခံရတဲ့ မြန်မာပြည်ရဲ့ အဆင့်မြင့်ပညာရေး မှာ ပါဝင်နေသူတွေပေါ့။ အိမ်ထောင်သည်တွေ ဖြစ်နိုင်သလို ၊ တယောက်ထဲသမားတွေလဲ ပါပါလိမ့်မယ်။ အဲ.. တကယ်လို့ ကျွန်မကိုအဲ့ဒီထဲ ထည့်မယ်ဆိုရင် ရှင့်ကို ကျေးဇူးတင်ပါတယ်”
ကျွန်မကော်ဖီသည် အတော်အေးစက်နေပြီ။ သူသည် အလျော့ပေးချင်စိတ် မရှိသေးပါ။
“ကျွန်တော် တခါ ခင်ဗျားအိမ်ရောက်တုန်းက ခင်ဗျားအခန်းဘက်ကို တချက်ကြည့်မိသေးတယ် ၊ တမင်တော့ မဟုတ်ပါဘူး၊ ခင်ဗျားထွက်လာတာနဲ့ ကြုံလို့၊ ခင်ဗျားခေါင်းအုံးဘေးမှာ ဂျူးစာအုပ်တွေချည်းပဲ၊ ဒီစာတွေနဲ့ ကြီးပြင်းခဲ့တယ်ထင်တယ်။ စာရေးဆရာမက လုံးဝမိန်းမ၀ါဒီ အပျိုကြီးပဲ “
နဲနဲစိတ်အချဉ်ပေါက်နေသော သူ့မျက်နှာကို ကြည့်ပြီး ရယ်ချင်လာသည်။ စနောက် ပစ်လိုက်ဦးမှာပဲ။
“အို့ သူက သိပ်ချစ်တတ်တဲ့ မိန်းမတစ်ယောက်ပါ။ ဒီလောက်တော်တဲ့ မိန်းမကို ၊ သေသေချာချာ ဂရုတစိုက်နဲ့ ချစ်တတ်သူနေမှာပါ။ ယောကျာ်းတွေကို မယုံတတ်လို့ အပျိုကြီးလုပ်တာလဲ ဖြစ်နိုင်တာပဲ။ အရေးအသား သတ္တိရှိတယ်။ ယောကျာ်းစာဖတ်ပရိသတ် က မိန်းမ၀ါဒီ လို့သတ်မှတ်လဲ သူကလက်ခံပါတယ်”
သူဘာမှ ဆက်မပြောတော့ပါ။ ဒါကြောင့် ပြောတာပေါ့ ဆိုသည့် မျက်နှာပေးနဲ့ တွင်တွင်သာ ကြည့်နေတော့တာပဲ ။ ကျွန်မ အသာလေးငြိမ်နေလိုက်ပါသည်။
သူသည် ကျွန်မကို ဒေါသနှင့်တွဲဖက်မြင်လေ့ရှိကြောင်း ပြောချိန်တွင် ကျွန်မနဲနဲ ရှက်သွားသည်ဟာ ၀န်ခံရမည်။ ၀ုန်းဒိုင်းကြဲတတ်သော ကျွန်မတွင် ပစ္စည်းများပေါက်ခွဲတတ်သော မကောင်းသည့်အကျင့်ပါ ပူးကပ်နေပါသည်။ အသားနာလျှင် စိတ်ဆိုးတတ်သော ကျွန်မသည် နာကျင်စေသော စကားလုံးများကို ရွေးချယ်ပြောတတ်ပြီး အရာဝတ္ထုများအပေါ် ဒေါသကို ထွက်ပေါက်ပေးတတ်ပါသည်။ ကျွန်မဒေါသပြေချိန်ထိ ထိုစကားများက နာကျင်စေသေးသည် ထင်ပါသည်။ တခါတရံ ချီးမွမ်းသလို၊ စောင်းချိတ်သလိုနဲ့ ညည်းညူတတ်သေးသည်။
“မေ.. ခင်ဗျား စာဖတ်တတ်တာ နဲနဲစောသွားတယ်။ လူတစ်ယောက်ကို ဘယ်အချိန် ဘယ်စကားနဲ့ အကျကောက် အနိုင်ယူတတ်တဲ့ နေရာမှာတော့ ခင်ဗျားက အတော်ဆုံးပဲ စာဖတ်ခြင်း အကျိုးတွေပေါ့လေ”
ခုတော့သူသည် စာပေဘက်ကို အပြစ်ပုံချ လိုက်ပြန်ပါပြီ။ သူသည် လောကကြီးတွင် သူတယောက်သာ စိတ်ကောင်းရှိသည်ဟု ထင်နေသော အတ္တကြီးသူတစ်ယောက် ဖြစ်သည်ဟု ကျွန်မ၏ စွပ်စွဲချက်ကို ယတိပြတ်ငြင်းနေပါသည်။ စကားလုံး အသုံးအနှုန်းမတတ်သော သူ၏ အကောင်းမြင်စိတ်များသည် စိုးရိမ်ရေမှတ်ထက် ကျော်လွန်သွားသောအခါ ကျွန်မသည် မကောင်းမြင်စိတ်များနှင့် ပြည့်နှက်နေသော မုဆိုးတပိုင်း မိန်းမရိုင်းကြီးလုံးလုံး ဖြစ်သွားပါတော့သည်။
“ ကျွန်တော့မှာလေ ကျွန်တော်က မုန်းတဲ့သူဆိုတာ မရှိဘူး။ ဘယ်သူ့ကိုမှ ကျွန်တော် မမုန်းဘူး.။ အဲ့ဒီထဲမှာ နဲနဲလေး ပိုချစ်မိနေတာက ခင်ဗျားဖြစ်နေတာ”
အံ့သြလွန်းလို့ မျက်လုံး အ၀ိုင်းသားဖြစ်ရတဲ့ အထိပါပဲ။ ဘယ်လို ရည်းစားစကား ကြီးလဲ။ ဒီလိုလူမျိုးကို အပြောအဆို မတတ်တဲ့လူများ ခေါင်းစဉ်အောက်မှာ နံပါတ်(၁) နေရာပေးပြီး ထည့်ရမည်။ ကျွန်မ၏ အရွဲတိုက်ချင်စိတ်ကလဲ ထိန်းမရတော့ပါ။ တော်တော်ဘုကလန့်ကျတဲ့ မိန်းမဟု ထင်ချင်ထင်ပါလေ့စေတော့။
“ အော် ဟုတ်လား ။ ကျွန်မကတော့ အဲ့ဒီလိုမဟုတ်ဘူးရှင့်။ ဒီလောကမှာ ကျွန်မအားလုံးကို မုန်းတာချည်းပဲ။ မိသားစုက လွဲရင်ပေါ့။ ဘယ်သူ့ကိုမှ မချစ်ဘူး။ အဲ့ဒီထဲကမှ ရှင့်ကို ဟော့ဒီလောက်လေး (လက်ညှိုးနှင့် လက်မ တေ့လျက်) ပိုကြည့်လို့ရတာပဲရှိတယ် “ ကဲ ကောင်းရော။
ဗြန်းကနဲ မိုးတွေ အုံ့သွားသလို သူ့မျက်နှာတည်သွားသည်။ “ဘာ ခင်ဗျားတကယ်ပြောတာလား ၊နဲနဲတောင် မချစ်ဘူးပေါ့” ကျွန်မ မဖြေဘဲ သူ့မျက်ဝန်းတွေထဲ ယုံကြည်သွားမှုကို လိုက်ရှာမိသည်။ “မေ ပြုံးနေတာကိုပဲ မြင်ချင်တာ” “ မေပြုံးရင်လေ မျက်လုံးနက်နက်လေးပဲ ကျန်တော့တယ် ဒါမယ့် မဲ့ပြုံးတာက ခပ်များများပဲ” ဟု ပြောတတ်ခဲ့သော သူ့နှုတ်ခမ်းများက တင်းတင်းစေ့လျက် ။ စိတ်ဆိုးသွားသလား၊ ဒါဆို ကျွန်မအောင်မြင်သွားတာပေါ့။
သူ့မျက်လုံးတွေကို ကြည့်တိုင်း အနေအထိုင်ခက်သလို ဖြစ်ဖြစ်သွားသော သူသည် အိမ်မက်တခုကို ကျွန်မ ရှာတွေ့သွားမှန်း မရိပ်မိပေ။ ခုလဲ သူသိမည် မဟုတ်ပေ၊
“ကြည့် ၊ ခင်ဗျားသေချာကြည့် ၊ ကျွန်တော့ဆီမှာ ဘာမှမရှိဘူး”
စိန်ခေါ်သလို ပြောပြောဆိုဆိုနှင့် ရှေ့  ကိုတိုးကပ်လာသည်။ ကျွန်မ လန့်ဖျန့် သွားတာ သူ့ရင်ဘတ်ကို လက်နှစ်ဘက်နှင့် တွန်းထားမိသည်။ မလာနဲ့ ။ မပြုံးမိစေနဲ့။ အဲ့ရှာဖွေနေတဲ့ မျက်လုံးတွေနဲ့။ ဒီမှာ ကျွန်မက အိမ်မက်တခုကို ဖမ်းမိထားပြီ သိရဲ့လား။
ကျေးဇူးပြုပြီး မျက်တောင်မခတ်လိုက်ပါနဲ့နော်။ မောင့်မျက်တောင်တွေဆီမှာ တွဲခိုနေတဲ့ ကျွန်မအိမ်မက်တွေ လွင့်စင်သွားမှာ စိုးလို့။ ခုထိတော့ ၀န်မခံချင်ဘူး။
ကြေကွဲနေတယ်
လမင်းက
ပင်လယ်ရေအနက်ကို တိုင်းဖို့
ကြိုးပမ်းသလို
မင်းက ငါ့ကို အဓိပ္ပါယ်ဖွင့်ဖို့
ကြိုးပမ်းတယ်
မင်းရှေ့မှာ
ငါ့ဘ၀ တဆုံးတဖျားကို
ပြသထားတယ်
ဖုံးကွယ်ထားတာ ပြန်ဝှက်ထားတာ
ဘာမှမရှိဘူး
ဒါကြောင့်မို့
မင်းကိုယ့်ကို မသိတာ ဖြစ်မယ်..။"
-တဂိုး
5/17/2010
သတိထားမိလို့ တအိမ်လုံး ထွက်ကြည့်မိတယ်။ တကယ်ချစ်စရာ ကောင်းပါတယ်။ နက်ပြာရောင် နောက်ခံ ကောင်းကင်နဲ့ လင်းလက်နေတဲ့ ကြယ်လေး၊ သူ့ဘေးနားလေးက ခပ်မျှင်မျှင်လလေး။
ကြည့်ရင်းနဲ့ နားမှာ ပန်ချင်စရာတောင်ကောင်းတယ် လို့ တွေးမိတယ်။ ဒါပေမယ့် တဘက်တည်း ပန်ရမှာပေါ့ ဆိုပြီး ကိုယ့်အတွေးနဲ့ တင် ပြုံးမိတယ်။ အင်း လနှစ်စင်း ရှိတဲ့ ကမ္ဘာမှာ နေရမှပဲ စိတ်ကူးဆက်ယဉ် တာပေါ့နော်။ အဲ့လို တခါတလေ အူကြောင်ကြားတွေ စိတ်ထဲပေါ်ပေါ်လာတာ။
ဒီမနက်ရောက်တော့ သတင်းဘလော့တွေမှာ သူများကော်မန့်တွေ ဖတ်ရတယ်။ သောကြာ ကြယ်နဲ့ လနဲ့ကပ်ရင် ပြည်ပျက်မယ့် နိမိတ်တဲ့။ တယောက်က ခပ်ပိုပိုလေး ပြောတာ ကြည့်ရင်းနဲ့ ကြက်သီးတောင် ထတယ်ဆိုပဲ။ ဗဟုသုတပဲ အားနည်းတယ်ပြောပြော တခါမှမကြားဖူးဘူး။ ဂြိုလ်တွေ တခါတခါ မြေပြင်ကကြည့်ရင် နီးတယ်ထင်ရပေမယ့် သူ့လမ်းကြောင်းတွေနဲ့ သူလည်ပတ်နေတာ မဟုတ်ဘူးလား။
တဘောင်တွေ တော်တော်ကြောက်စရာကောင်းတယ်နော်။ အနည်းဆုံးတော့ လူ့အတွင်းစိတ်ကို ဆင်းရဲသွားစေတာပဲ ။ တကယ်ပဲ မှန်လာမလား မမှန်လာမလား နောက်ထားပြီး စိုးရိမ်နေကြရတယ်။
ဆရာဖေမြင့်ဘာသာပြန်ထားတဲ့ နှလုံးသားအဟာရထဲက စာတပုဒ်ကို သွားသတိရမိတယ်။ ပြတင်းပေါက် တပေါက်ကို ကြည့်နေတဲ့ လူနှစ်ယောက်မှာ တယောက်က ကြယ်တာရာလင်းလက်နေတဲ့ ကောင်းကင်ကို မြင်ပြီး နောက်တယောက်က ရွံ့ဗွက်အိုင်တွေကိုပဲ မြင်တယ်တဲ့။
စိုးရိမ်စရာတွေ အတိအကျ တောင်မသိတဲ့ တဘောင်တွေ ထားခဲ့ပါ။ တဘောင်ဆိုတာ ခက်ဆစ်မှာ ကလေး၊ အရူးနဲ့ ဇာတ်သမားတွေ ပြောနေရာက လာတဲ့ စကားတွေကို တဘောင်လို့ ခေါ်ခဲ့တာလို့ မြန်မာစာမှာ သင်ရပါတယ်။ အဲ့ဒီတော့ ကိုယ့်စိတ်ကို အပင်ပန်းခံမလား။ ကောင်းတဲ့စိတ်နဲ့ မြင်ကြည့်မလားဆိုတာ ကြည့်တဲ့သူအပေါ်မှာပဲ မူတည်နေမှာပဲနော်။
5/16/2010
24 Voices
တရက်ပြီးတရက်
၂၄ နှစ်ပြည့်ခဲ့ပြီ..။
ခေါင်းထဲမှာ မှတ်ဥာဏ်နေရာပိုပေးရသလို
ဘ၀မှာ အတွေ့အကြုံတွေ များလာတယ်.
နှလုံးသားမှာလဲ ဒဏ်ရာတွေ တိုးရင်းနဲ့..။
မေမေ
သမီး ရပ်တည်တတ်ပြီ။
မသဒ္ဓါရေစာ လုပ်အားခကို
ခြစ်ချုပ် ယူတတ်ပြီ.........။
ဝေဖန်ကဲ့ရဲ့ ခံဖူးပြီ။
နာနာကျည်းကျည်း ပြုံးတတ်ပြီ။
သည်းခံတတ်ဖို့တော့ ကျန်သေးတယ် မေမေ။
မေမေ့သမီး
ပိုပျော်အောင် နေပါတယ်....။
ရောင့်ရဲ နိုင်သမျှ ရောင့်ရဲ
ခွန်အားရှိသရွေ့ ရှင်သန်ရင်းနဲ့
အခြေခံအကျဆုံး ရိုးသားဖို့ ကြိုးစားနေပါ့မယ်...။
ဖေဖေနဲ့မေမေ
အေးချမ်းပါစေ..
မနေချင်ဘူးပြောပေမယ့်
အသက်ရာကျော်ရှည်ပါစေ...။
5/13/2010
မေအိရဲ့ A to Z
A - Armour =သံချပ်ကာ
5/11/2010
ဘူတာရုံနဲ့ တူတဲ့ ကောင်မလေး
ဥဩဆွဲချင်ရုံသက်သက်နဲ့တော့
ငါ့ သံယောဇဉ်တွေ
ခုတ်မောင်းထွက်ခဲ့တာ မဟုတ်ပေဘူး
အဲဒီ့ စောင့်ကြိုနေဖို့ စိတ်ကူးမရှိတဲ့
ငါ့ရဲ့ ဘူတာရုံလေးရေ . . လွမ်းတယ် . .။
အရမ်းကြီးမဟုတ်ပေမယ့် . . တစ်ခါတစ်ခါ
ယောကျာ်းတစ်ယောက်မှာလည်း
စိတ်အားငယ်ခွင့် ရှိတာပဲ မဟုတ်လား။
ပန်းသီးတွေ ခါးတဲ့ကာလက
ရှည်လျားလှချည်လားကွယ် . .
ပြောပါ . .
မင်း ငါ့ကို ဘယ်တော့ အိပ်မက် မက်မှာလဲ
မင်းပိုင်ဆိုင်တဲ့ အိပ်စက်ခြင်းရဲ့ တံစက်မြိတ်အောက်မှာ
ငါ..
တိတ်တိတ်ကလေး ရပ်စောင့်နေတာ
ကြာပြီလေ . . .။
ဣနြေ္ဒစိမ်းစိမ်းတွေ လိမ်းသုတ်
ချစ်ခြင်းတွေ
ကုန်တင်ကုန်ချလုပ်ခွင့် မပြုတဲ့
မင်းရဲ့ ဘူတာရုံလေးဆီ . .
. . လာမယ် . .။
မင်းရဲ့ ဘူတာရုံလေးဆီ . .
. . လာမယ် . .။
ဟောဒီ့ကောင် . . ရင်ဘတ်တစ်ခြမ်းနဲ့
ကိုယ့် သံလမ်း ကိုယ်ဖောက်ခဲ့တာပါ . .
. . နောက်ကျသွားတယ်။
အလွမ်းတွေ စိုက်ခင်းတစ်ခုလုံး ပွင့်တဲ့အချိန်မှာမှ
ငါ ဆိုတဲ့ကောင်က
တည့်တည့်ကြီး ရောက်ချသွားခဲ့တာပေါ့ကွယ် . .။
မင်းခိုက်စိုးစန်
link :http://www.poemscorner.com/post-type/myanmar-poems/911
ချစ်ခြင်းတွေ ကုန်တင်ကုန်ချ လုပ်ခွင့်မပြုတဲ့ ဘူတာရုံလေး...
ချစ်ခြင်းကုန်တွေ ပါမှန်းမရေရာတဲ့ ရထားတစ်စင်း..
သံယောဇဉ်တွေ တင်ပြီးခုတ်မောင်းနေတယ်..
ရင်ဘတ်တခြမ်းက ကွဲပြီးသားမို့
ဘာပဲဖြစ်ဖြစ် နောက်ဆုံးရထားလေးဆိုက်တာ နောက်ကျမယ်ဆိုတာ ကြိုသိနေတယ်..
အလွမ်းတွေ ပွင့်တဲ့ ရာသီမှလေ.....
( သိပ်ချစ်ဖို့ကောင်းတဲ့ ကဗျာလေးပါ ပဲ .. )
4/30/2010
သနပ်ခါးပျက်လာတဲ့ သူငယ်တန်းကျောင်းသူ
2/07/2010
ရေးပေးပါ (Tag)
ဒီ ရေးပေးပါစာအုပ်က မေအိတို့ ၁၀တန်းနှစ်မှာ ပေါ်တာဗျ၊ အဲ့တော့ ၁၀တန်းကျောင်းသူဘ၀ ကို သတိရပြီး ခုလိုပြန်ရေးမယ်နော် (၅တန်းလိုတော့ မရေးတော့ဘူး တော်ကြာ ရည်းစားစာ တနေ့၃စောင်လောက် ရတဲ့အကြောင်းတွေ ဖြစ်နေမှာစိုးလို့ :P )ကဲ ရေးပြီ..
ကိုယ့်ကိုဒီလိုခေါ်ကြတယ်
ငယ်ငယ်တုန်းကတော့ ကြွက်ဖြူလို့ခေါ်ကြတယ်၊ ကျောင်းမှာ သူများတွေ ယူလာတဲ့ ကြွက်ဖြူလေးကို စပ်စပ်စုစု ကိုင်ကြည့်တာ အကျီင်္ထဲ ၀င်သွားလို့ ၊ စာသင်နေတုန်း ခိုးလုပ်တာပေါ့ ၊ တခန်းလုံးလဲ ဆရာမကိုမကြည့်တော့ဘူး ကြွက်ဘယ်နားကထွက်လာမလဲလို့ ကြည့်နေတုန်း ခါးနားကနေ ထွက်လာလို့တော်သေးတာပါ့ အဲ့ကနေ “ကြွက်ဖြူ” လို့ တွင်သွားတာပဲ .. အချိန်ကာလ ကြာညောင်းလာတဲ့အခါမှာ “၀က်ကလေး” ဖြစ်သွားပါတယ်။ အဲစိတ်ထားကောင်းတဲ့ သူတွေကတော့ နာမည်ပဲ ခေါ်ကြပါတယ်။ ဟဲဟဲ
လိုက်ဖက်သရွေ့ပဲ ကောင်းပါတယ်။ တချို့ ရှိတယ် .. ကိုယ်နဲ့လိုက်မှန်းမသိ မလိုက်မှန်းမသိ စွတ်စွတ်ဝတ်တာ၊ အလကားနေရင် ကိုယ့်ပိုက်ဆံနဲ့ကိုယ် အကဲ့ရဲ့ ခံရတယ်။ တောင်ကြီး တန်ဆောင်တိုင်ပွဲထဲက ကောင်မလေးတွေဆို အေးကနေးနဲ့ စကတ်တိုလေးတွေက ၀တ်ကြသေးတယ်။ အဲ့လိုပြောရင် မနာလိုဝူး ဖြစ်ဦးမယ်..။ တကယ်လဲ မနာလိုဝူး ။
အကြိုက်ဆုံး စားစရာနဲ့ သောက်စရာ - အခြေအနေ၊ရာသီဥတု နဲ့ မုန့်ဖိုး အရ ကွဲပြားခြားနားပါတယ်။
အကြိုက်ဆုံးပစ္စည်း - ရေမွှေး
လိုချင်တဲ့လက်ဆောင်
လိုချင်တာတွေ များလွန်းလို့ ဘယ်ကနေ စပြောရပါ့ Opps! အမေကခေါ်တာ ကျန်သေးတယ် “ကြွက်တွင်း” တဲ့။ ဘယ်လောက် ဖြည့်ဖြည့် မပြည့်တဲ့ ကြွက်တွင်းလိုပဲ တဲ့။
အကြိုက်ဆုံးဇာတ်ကား -
မျက်လုံးပြူးနဲ့ ကြည့်ရတဲ့ဒဏ္ဍာရီဆန်တဲ့ ဇာတ်ကား ၊ မျက်စိပိတ်တဲ့အထိရီရတဲ့ ဟာသကား ။ ဒဏ္ဍာ၇ီဆန်တဲ့ဟာသကားဆိုရင် မေအိတို့  ဘယ်လိုကြည့်မလဲတော့ မသိသေးဘူး ။
အကြိုက်ဆုံးဟာသဇာတ်ကောင် - မော့စ်
အကြိုက်ဆုံး စာရေးဆရာ- ဂျူး ၊ တာရာမင်းဝေ
အခိုက်ဆုံးစာအုပ် -ချစ်သူရေးတဲ့ ကျွန်မရဲ့ညတွေ... လို့ မပြောဘူး
အချစ်ဆုံးသူရှိရင် - အချစ်တွေ ဆုံးသွားတဲ့သူတွေတော့ ရှိတယ်။
ရင်အခုန်ဆုံးအချိန်-
နောက်ဆုံး ဂိတ်ပိတ် လိုင်းကား ပြည့်သွားတဲ့ အချိန်ပေါ့၊ ပြီးတော့ ..ပြီးတော့ အိမ်ပြန်ဝင်ခါနီး အချိန်ပဲ ။
ဘ၀ဆိုတာ
“ဘ” =ဘရန်ဒီ ၊ “၀” =၀ီစကီ လို့ Gtalk က Icon တွေမှာတွေ့ဖူးတယ် ။ ဟဲ
စိတ်တိုရင်ဘာလုပ် - အနော် အကျယ်ကြီးငိုပါတယ်ဗျ၊ မုန်းလိုက်တာ လို့လဲ ရွတ်ဖတ်တတ်ပါတယ်ဗျ။
အကြိုက်ဆုံးသီချင်း -
1.Truely Madly Deeply
2.Falling For u by Colbie Cailat ( Link)
3.Sleeping Child by Michal Learn To Rock
4.Down
5.The Climb
6.Party in the USA
7. စာမျက်နှာ ၁၅
၈. မင်းအတွက် - မျိုးကျော့မြိုင်
၉. လမ်းနဲ့အလွမ်း
၁၀.............................. :)
ဝါသနာ - တောင်ခြစ် မြောက်ခြစ်
မီးခွက်စောင့်ဘီလူးနဲ့တွေ့ရင် တောင်းမယ့်ဆု -
“အဲ့မီးခွက်လေး ပေးပါ ၊ ညည မီးပျက်လို့ ၊ခင်များလဲ အိမ်မှာလိုက်နေလေ”
လက်ဆွဲဆောင်ပုဒ် - "I'm One in a Million"
အိပ်ရေးပျက်ရတဲ့ အကြောင်းအရင်းက - ခုတလော ကိုရီးယားတွေ နှိပ်စက်လို့
ချစ်သူကို ဆိုပြချင်တဲ့သီချင်း - လမ်းခွဲသီချင်းကို ဖြူဖြူကျော်သိန်း လို ဆိုပြရရင်ကောင်းမလားလို့
ပြောပြချင်တဲ့ဟာသတိုလေး
အဲ့ဒီနေ့က ဘတ်စ် ကားက ချောင်တယ်။ အကျီလက်ပြတ်ဝတ်ထားတဲ့ မိန်းမကြီးတစ်ယောက် ရှေ့ဘက်တံခါးပေါက်ကနေ ကားပေါ်တက်လာတယ်။ သူက အပေါ်တန်းကို ယိုင်မလဲအောင် ကိုင်ထားတယ်။ဒါပေမယ့် ချိုင်းမွေးတွေက တလွင့်လွင့်နဲ့ပေါ့။ ဒရိုင်ဘာကော စပါယ်ရော ခရီးသည်တွေပါ ပြုံးစိစိ နဲ့ပေါ့။ ကျွန်မလည်း အဲ့ဒါကြီးကိုပဲ ကြည့်မိနေတယ်။ အဲ့ဒီချိန်မှာ ဆင်းရမယ့်မှတ်တိုင် ကို စပါယ်ယာက အော်မေးလိုက်တယ်။
“ပါရမီ ပါလား ပါရမီ ”
“ပါတယ်! ချိုင်းမွေးပါတယ် ”
(သူငယ်ချင်း ထက်ထက် ပြောပြတဲ့ သူ့အစ်မရဲ့ ကိုယ်တွေ့ဖြစ်ရပ်ပါ)
1/30/2010
ရေးပေးပါ..
မနေ့ညက ကျွန်မစာသင်နေတဲ့ ကလေးဆီကို ရောက်သွားတော့ သူက သူ့ရဲ့ “ရေးပေးပါ” စာအုပ်လေးမှာ သူ့သူငယ်ချင်းတွေက ရေးပေးလိုက်တဲ့ စာလေးကို ဖတ်ကြည့်ပါ ဆိုပြီး လာပြတယ်။ ပုံမှန် ၉ တန်း ၁၀ တန်း ကျောင်းသားတစ်ယောက် ၊ သစ်ရွက်လှုပ်တိုင်း ရယ်ချင်နေတဲ့ အရွယ်ရဲ့ အမှတ်တရ စာအုပ်ဆိုရင် စိတ်ဝင်စားမိမှာ မဟုတ်ပေမယ့် ကျွန်မကျောင်းသားက ခုမှ (၅) တန်း အရွယ်ပဲ ရှိသေးတာမို့ ကလေးလေးတွေက ဘာတွေများရေးကြမှာပါလိမ့် ဆိုပြီး စပ်စပ်စုစု လှန်လျော ကြည့်လိုက်မိပါတယ်။ မျက်လုံးပြူးသွားတာတော့ အမှန်ပဲ။ တကယ်..တကယ်။ scan ဖတ်လို့ရရင် လက်ရေးလေးတွေနဲ့ကို ပြချင်တယ်။ ၁၁ နှစ်အရွယ် ကလေးလေးတွေ ဘာတွေများရေးကြမယ်လို့ ထင်ကြပါသလဲ ။ ဒီနေရာမှာ နဲနဲ ဟာသဖြစ်တဲ့ သူတို့ခေါင်းလေးတွေနဲ့ စဉ်းစားထားတဲ့ စာကြောင်းလေးတွေကိုပဲ ပြန်ပြောပြပါ့မယ်။
ကိုယ့်ကို သူငယ်ချင်းတွေက ဒီလိုခေါ်တယ် - “ ကိုကိုရှန် ၊ အရူး”
ကိုယ့်ဆီဖုန်းဆက်ချင်ရင် - “ ဘာလို့ ပြောပြရမှာလဲ ”
ကိုယ့်ရဲ့ အကြိုက်ဆုံး
အ၀တ်အစား ဆိုရင် - ဟော့ရှော့၊ ဂျင်းအကျီ
ဆံပင်ပုံစံ - အထောင်ကေ ( သူတို့က ယောကျာ်းလေးတွေ)
ပစ္စည်း - Mp4, TV game သေနတ်
လိုချင်တဲ့ လက်ဆောင် - Computer , မာစီဒီးကား
အကြိုက်ဆုံးမင်းသား - F4 မင်းသား ၊နေတိုး
အကြိုက်ဆုံးမင်းသမီး -အွန်စော ၊ အိန္ဒြာကျော်ဇင်
အဆိုတော် - အေသင်ချိုဆွေ ၊ ဘိုဖြူ
သီချင်း -လမ်းမခွဲကြေး ၊ ရင်ခုန်ဘက်သို့ တမ်းခြင်း ၊မောင့်လပြည့်ဝန်း
ဂျာနယ် မဂ္ဂဇင်း - 7 Days News, ပုတတ်
အကြိုက်ဆုံးကာတွန်းဇာတ်ကောင် -Tom and Jerry, Donald Duck, Power Ranger
အကြိုက်ဆုံး စာရေးဆရာ - အကြည်တော်၊ ဦးဝင်းကျော်ထွန်း၊ သက်ဦးလွင်
ရင်အခုန်ဆုံးအချိန် - အမှတ်သိရတဲ့အချိန်
ဒီစာကြောင်းတွေရဲ့ နောက်မှာ ပိုပြီး ကလေးမဆန်တော့ဘူးလို့ ခံစားလာရတယ်။ဖတ်ရင်းဖတ်ရင်းနဲ့..
စိတ်ညစ်ရင် ပြုလုပ်တဲ့ အပြုအမူ - နံ၇ံကိုလက်သီးနဲ့ထိုးတယ်
၅မိနစ်သာ အသက်၇ှုင်တော့မယ်ဆို လုပ်မယ့်အလုပ် - အိပ်နေမယ် (တချို့ က) မိဘနဲ့တူတူနေမယ်
ဘ၀မှာ အရေးကြီးဆုံးက -လေ ၊မိဘ ၊ ထမင်း ၊ ရည်းစား
ကိုယ့်ရဲ့ အိမ်မက် - ကိုယ်ဌေး သွားတယ်
သူငယ်ချင်းဆိုတာ - တိုင်ပင်ဖော်
ဘ၀ဆိုတာ - ကံတရား
ဒါက ၅ တန်းကလေးတွေတဲ့နော်... မယုံမရှိနဲ့
တယ်လီဖုန်းဆိုတာ -ဆက်လို့ရတယ်
အင်တာနက်ဆိုတာ -လင်မယားရှာတဲ့စက် (p.s ကျွန်မ အသားကုန် မျက်လုံးပြူးသွားတဲ့ စာကြောင်းပေါ့)
ကွန်ပျူတာဆိုတာ - လိုရင် အသုံးပြုလို့ရတယ် ၊မိတ္တူလဲရတယ်
လက်ဆွဲဆောင်ပုဒ် - All roads lead to Rome. Try Again !
မင်းအတွက် စကား - မိန်းမမြန်မြန်ရပါစေ ..
ကလေးတွေက အဲ့အချိန်ထဲက ဒီလိုအတွေးတွေ ၀င်နေပြီလား ၊လူကြီးစကားတွေပြောနေကြတာလား မသိတော့ပါဘူး။ ကျွန်မတို့ငယ်ငယ်တုန်းက Media တွေက ဒီလောက် အားမကောင်းသေးလို့ ဖြစ်ပါလိမ့်မယ်။ အင်တာနက်ဆိုတာ လင်မယားရှာတဲ့စက် ဆိုတာနဲ့တင် ဘယ်လိုပြောပြရမှန်းတောင် မသိတော့ပါဘူး။ ကဲ တို့လည်း ခဏလောက် ကလေးပြန်လုပ်ကြမလား ?
ဒီမှာဖြည့်နော်!
၁။ကိုယ့်ကို ဒီလိုခေါ်ကြတယ်
၂။အ၀တ်အစားပေါ် ကိုယ့်သတ်မှတ်ချက်က -
၃။ အကြိုက်ဆုံး စားစရာနဲ့ သောက်စရာ
၎။အကြိုက်ဆုံး ပစ္စည်း ( ကွန်ပျူတာနဲ့ အင်တာနက် မပါရ)-
၅။လိုချင်တဲ့ လက်ဆောင် -
၆။အကြိုက်ဆုံး ဇာတ်ကား-
ရ။အကြိုက်ဆုံး ဟာသဇာတ်ကောင်-
၈။ အကြိုက်ဆုံးစာရေးဆရာ
၉။ အခိုက်ဆုံးစာအုပ် -
၁၀။အချစ်ဆုံးသူရှိရင် -
၁၁။ ရင်အခုန်ဆုံးအချိန်-
၁၂။ဘ၀ဆိုတာ-
၁၃။ စိတ်တိုရင် ဘာလုပ် -
၁၄။ အကြိုက်ဆုံးသီချင်း-
၁၅။ဝါသနာ-
၁၆။ မီးခွက်စောင့်ဘီလူးနဲ့ တွေ့ရင် တောင်းမယ့်ဆု-
၁၇။ လက်ဆွဲဆောင်ပုဒ်-
၁၈။ အိပ်ရေးပျက်ရတဲ့ အကြောင်းအရင်းက -
၁၉။ချစ်သူကို ဆိုပြချင်တဲ့ သီချင်း -
၂၀။ ပြောပြချင်တဲ့ ဟာသတိုလေး -
1/17/2010
**ConFlict*
ငါဟာ“ကြည့်မှန်တချပ်”လို ဖြစ်ချင်တဲ့ ပုထုဇဉ်စစ်စစ်ပါ။ ချစ်တဲ့သူကို ချစ်ပြီး မုန်းတဲ့သူကို မုန်းချင်ပါတယ်။ မမြင့်မြတ်တဲ့အတ္တလည်း ရှိပါတယ်။ စကားလုံးပေါင်းများစွားနဲ့ ပစ်ပေါက်ခံထားရတဲ့ အသည်းနှလုံးလည်း ရှိပါတယ်။ သံသယနဲ့ ပြည့်နေတဲ့ ဒီမျက်လုံးတွေကနေ မင်းကိုမှမြင်ရတယ်။
ငါမြင်နေရတဲ့ မင်းက ငါ့ကိုမုန်းတယ်။ ငါရတဲ့သကြားလုံးမှာ အခွံလှလှလေးပဲပါတယ်။ ငါထမ်းထားတဲ့ ၀န်ထုပ်က လေးပြီး ငါရွေးတဲ့လမ်းမှားခဲ့တယ်။
ငါ့အဖြေကို ငါကြိုသိနှင့်တယ်။ဒါပေမယ့် ရင်ထဲက ကြေးမုံပြင်မှာ ချစ်သူရဲ့ အရိပ် ထင်နေခဲ့တယ်...။