ခေါင်းထဲကို အေးစက်နေတဲ့ အထိအတွေ့ရဲ့ အသိတစ်ခု ၀င်လာတယ်.ခြုံထားတဲ့ စောင်ထဲက လက်တစ်ဖက်က အိပ်ယာ အပြင်ဘက်ကို ရောက်သွားလို့ပါ...“မိုးလင်းနေပြီပဲ“..ဒီမြို့လေးက မနက်ခင်းကို အေးစက်စွာ ဆီးကြိုတတ်သည်။ ဒီအချိန်ဆို နေရောင်အောက်က အေးနေတဲ့ မြို့ လေးရဲ့  ကားလမ်းဘေးမှာ ပုပ်သိုးသိုးမျက်နှာပေးနဲ့ ကောင်မလေး တစ်ယောက် လိုင်းကားစောင့်နေတတ်တယ်...
အဲဒီတစ်ယောက်က ကွန်ပျုတာကို မချစ်ဘူး .. ဒါပေမယ့် အတူတူနေတယ်..ဘာလို့လဲဆိုတော့ အဲဒါသူ့ အလုပ်ကိုး...စိတ်လည်းသိပ်မရှည်ဘူး. အားအားရှိ စိတ်တိုတတ်တယ်.. သီချင်းသံတွေ ဆူညံနေတဲ့ စာသင်ခန်းထဲမှာ သီချင်းသံတွေကို လွှမ်းအောင် အော်အော်ပြီးစာသင်တတ်တယ်. စာမရရင်လည်း စိတ်တိုတယ်..မသိလို့မေးရင်လည်း စိတ်ကမရှည်ဘူး..အဲဒီလိုပဲ..
ညနေခင်းရောက်ရင်တော့ သူ့နှလုံးသားက သူ့ ရင်ထဲပြန်ရောက်လာတယ်..သူ့သူငယ်ချင်းနဲ့ ကော်ဖီသောက်ရင်း ရောက်တတ်ရာရာ ပြောကြတယ်..သူတို့က အဲဒါကို အလုပ်တစ်ခုလို သဘောထားကြတယ်..စကြ နောက်ကြ နဲ့ ..ကော်ဖီနံ့တွေက ပိုပြီးအသက်ဝင်လာတယ်....
အဲဒါကလည်း ခဏပါ ..ပြီးရင် ကော်ဖီခွက်တကိုင်တိုင်နဲ့ စာသင်ခန်းထဲ ရောက်လာတာပဲ..
အိမ်ပြန်ချိန်ရောက်ရင် သူက ရဲလေးရဲ့  (အိမ်ပြန်ချိန်) သီချင်းကို သွားပြီးသတိရတတ်တယ်..ဒါပေမယ့် သူ့အတွက် ဟန်ထွန်းရဲ့  (မိုးမချုပ်မီ) သီချင်းကို ဆိုပေးတတ်တဲ့လူ ရောက်လာမလား စောင့်နေတတ်တယ်တဲ့...ညနေခင်းတွေမှာ ဒီမြို့လေးရဲ့  လမ်းမတွေမှာ ဆောင်းရာသီ ဖက်ရှင်တွေ ၀ဲပျံနေပြီး သူနဲ့ သူ့ ရဲ့  သူငယ်ချင်းက ဒီနေ့ ခေတ်စားတဲ့ ဖက်ရှင်တွေ အကြောင်း၊ ဘယ်ဆိုင်က ဘယ်အစားအစာ ကောင်းတဲ့အကြောင်း၊ လခရရင် သွားမယ့်အကြောင်း ပြီးတော့ ဟိုအကြောင်း ဒီအကြောင်း....လမ်းမခွဲခင်အထိ တတွတ်တွတ်ပြောရင်းနဲ့ပေါ့
အဲဒီကောင်မလေး ရဲ့  အိမ်ပြန်လမ်းမှာ နေကြာရိုင်းတွေ တောင်ကပါးတွေမှာ အအုပ်အသင်းနဲ့ ပွင့်တယ်..နေ၀င်ချိန် မြေနီလမ်းတလျှောက်လုံး သူမဘာတွေတွေးနေသလဲ... အိပ်တန်းတတ်တဲ့ ငှက်တွေ ..အိမ်ပြန်တဲ့ ကလေးတွေကို တငေးငေးနဲ့..သူကတော့ ပြောတယ်..သူ့ငယ်ငယ်တုန်းက ကစားဖော်မရှိတဲ့ အကြောင်း..စာအုပ်တွေနဲ့ အဖော်လုပ်ရတဲ့ အကြောင်း...အိမ်ပြန်ရောက်ရင် သူလုပ်ရမယ့် အလုပ်တွေအကြောင်း..အဲဒါတော့ ခဏခဏပြောတယ်..အဲဒီအလုပ်တွေကို သူတော်တော်မုန်းတယ် ထင်တယ်...အဲဒီတယောက်က တော်တော်လည်း စကားများတယ်...(စာဖတ်သူ သိအောင် သတင်းပေးတာပါ.)
သူ့ရဲ့  အခန်းလေးက အိမ်ပြန်လာတဲ့ ကောင်မလေးကို တနေ့ တမျိုး မရိုးအောင် ကြိုပါတယ်...နေ့တိုင်း သူ့ရဲ့  ခေါက်ထားတဲ့ ခြုံစောင်ပေါ်မှာ တက်အိပ် တတ်တဲ့ ကြောင်ကလေးနဲ့ နေ့တိုင်း ရန်ဖြစ်ရင်းနဲ့လေ..သူမရဲ့  ခွေးကလည်းသူပြန်လာရင် အိမ်အပြင်ထွက်ချင်လို့ ဆူညံဆူညံ လုပ်တတ်ပါတယ်...
သူ့ရဲ့  တနေ့ တာ အလုပ်အားလုံး ပြီးသွားရင် သူမ အိပ်ယာဝင်ပါတယ်..ဖြစ်နိုင်ရင် ခပ်စောစောလေးဝင်ပါတယ်..ဘာလို့လဲဆိုတော့ သူက အိပ်ပုပ်ကြီး လို့ပါ..အိပ်ယာပေါ်ပစ်လှဲရင်း ခေါင်းအုံးအောက်ထဲကို လက်ကလေးတစ်ဖက် ထိုးထည့် လိုက်ပါတယ်..“အေးစက်နေတာပဲ” ...ဒီအသိလေးကတော့ ဒီနေ့ရဲ့  နောက်ဆုံးအသိပါပဲ.....
(ကောင်မလေးရဲ့  အိမ်ပြန်တဲ့ အစီအစဉ်တွေက တော့ (မိုးမချုပ်မီ) သီချင်းကို ဆိုမယ့်သူ ရောက်လာရင်တော့ ပြောင်းလဲ သွားနိုင်ပါသည်)
